1. Ta suno-suno Lowalangi, sahakhö tödö ba niha.
    Si  lö famaedo fa’omasi, sebua tödö ba khöda.
    Me no I be’ Nono-Nia, ba wangorifi ya’ita.

2. Tasuno Wondrege Zalawa, ba samatörö ya’ita.
    Ebua wa’omasi-Nia, sahölihöli dödöda.
    Itehe mate ba röfa, Nono-Nia salahida.

3. Ta’oigö dödöda wanuno, Lowalangida, So’aya.
    Samè famati ba dödöda, si lö’ö  khöda meföna.
    Ta’omusoi’ö dödöda, me fa’aurida Zo’aya.

4. Ya’e dödöma, Sangorifi, era’erama, boto göi.
    Si hulö nono mbiribiri, sumange nibe’ zamati.
    Ba wa’ebua dödö-Mö,  aro’öga tana khö-Mö.